أضيف في 4 يناير 2017 الساعة 23:44


فات الكتير يا بلدنا !

حسام الدين فكري

جميلة جداً أغنية الكينج "محمد منير" التي يقول فيها : " فات الكتير يابلدنا..مابقاش إلا القليل "..كلمات مبدعة ولحن رائع وأداء عبقري..إنما نفسي أعرف ما الذي يقصده بالضبط بقوله "مابقاش إلا القليل"..هل يعني أنه مابقاش في جيوبنا إلا القليل بعد ارتفاع أسعار كل شيء في مصر ؟!..فالحقيقة أنه لم يتبق لدينا سوى ورقة التوت..وحتى دي صارت نص حجمها الأول..بعد تغريق الجنيه !!

ولا قصده : لم يتبق إلا القليل من مصر ونبقى قفلناها بالضبة والمفتاح ؟!..ولا يمكن قصده : نبقى بعناها كلها والحمد لله ؟!!..ماهو زمان كان مبارك شغال بهمة ونشاط في خصخصة الشركات المصرية..إنما الآن أحدث صيحة بقى..ناس بتجيب من الآخر وماتحبش ترغي كتير..فدخلوا على طول على خصخصة البلد نفسها..واللي يدفع أكتر يشيل !!

لكن هل اللي هيشتري هياخدها كده على بعضها..بشعبها وزبالتها وشوارعها المكسرة..ولا هيقول مثلا الشعب ده مش عاجبني..وبالتالي يستورد هو شعب آخر..ويوزعنا بقى على دول العالم..لو كان الأمر كذلك فأنا أول من يرحب بهذه الفكرة العظيمة..فسوف أضمن ألا أبقى في هذا البلد المنهوب على طول !!

 

قيم وشارك المادة :


  
كاتب الموضوع : حسام الدين فكري

كاتب صحفي   / cairo , مصر

مواضيع أخرى قد تعجبك أيضا :


أضف تعليقك على الموضوع
* كاتب التعليق
* عنوان التعليق
  * الدولة
* التعليق