أضيف في 5 دجنبر 2016 الساعة 19:57

أه ,,,,,,,,,,,,,,,,,,,,,,,,,,,,يا مويييييييييي/ زجل مغربي ـ


جوليانا فلانتينا باناصا ـ مدينتي باناصا الأتريه

أه , يا يا موي

 

/ زجل مغربي /

 

كبرت المدينه

يا موي

, كبرات ولات غول

و توحدات

, انا بوحدي يا موي

خايف, وحداني

مغرد كالهبيل

لا حيط يحميني

و لا دوار يهزني

وحيد وسط الغيلان

البرد تقصقص فيا

و العيون , تتعين فيا

راه دموعي كاع طاحت

و شتا و الصيف و الخريف

كفتي فيهم طاحت

يا موي احميني

راها كبرت هديك المدينه

لا هزات لي محايني

و لا مسحاتلي دموعي

راني مخنوق

يا موي راني

مهزوز

يا موي

و فينك يا موي

يا موي

الدروبا عامرةو طويله

وجوه غريبه و غدارة

لا بسمة تشفي الروح

و لا كليمة تهز القلب

اح , أح أح , يا محايني

فين نمشي

منين نجي

لا انا نعرف طريق

و لا نقدر نسول غريب

مشيت في طريقي وحداني

متبع الخطوات حدا الحيوط

العافيه كاديه

الشمس طايحه

و البرد فيا يا موي

واش المعمول

و هاد الغول, تعول عليا

حاطني في راسوا

ما مخليني نعس و لا نشوفوا

اه يا موي اه يا موي

راها المدينة كبيرة و طماعه

و كل ريلاتي راها جات و داتها

لا حبيب نحط عليه راسي

و لا وجه يعطيني همة و شان

كاع يا موي الوجوه غريبه

كاع يا موي, الديور طالعة

كاع القلوب مقفلة

شد ما تشد

اجري ما تجري

احرك ما تحرك

كل يوم حال يا موي

كل نهار عذاب يا موي

واش ندسر يا موي

ما بقات مديره

ما لقيت عوينه

طحت على راسي يا موي

ما حد هز ليا قلبي

و لا كالي كليمه زوينه

اه يا موي اه يا موي اه يا موي

 

,,,,,,,,,,,,,,,,,,,,,,,,,,,,,,,,,,,,,,,,,,,,,,,

 

اه يا موي

اه يا موي

خرجيني من هديك المدينه

راسي طاب

عيوني تحركت

ما بقيت نفكر

ما بقيت نخمم

عي كيفاش

كيفاش

نخرج من هديك المدينه؟؟؟؟؟؟؟؟؟؟؟؟؟؟؟؟؟؟؟؟؟؟

 

باناصا الأسطورة

 

زجل مغربي


قيم وشارك المادة :


  
كاتب الموضوع : جوليانا فلانتينا باناصا ـ مدينتي باناصا الأتريه

الحياه , و بلادي التي أحب , و تسكن في الذات و في الروح , بلادي ,لك كل الحب .   / مدينة باناصا الأثريه , المغرب


أضف تعليقك على الموضوع
* كاتب التعليق
* عنوان التعليق
  * الدولة
* التعليق