أضيف في 10 أبريل 2018 الساعة 17:26

الليل يا ليل


جوليانا فلانتينا باناصا ـ مدينتي باناصا الأثرية,
الليل يا لليل

دمعة على دمعة
كلام الليل ما مفهومش
كالوا
شمعه مهرسة
كالوا
قلب مجروح
كلام غير مفهوم
كلت
كلامك مسموع
و شكون
شكون يا هداك السامع
شكون
شكون كال لك راكا تمة عندهم مسموع
كالوا
و كلنا

وخا رابط الحزام على الصبر مجموع
ساكت
بالدكاكه دايزين على ايامك
هوا يا هوا
شموا و لا خليه تمه
راه ما كاين حلام
راه ما كاين عي الظلام
سمعني وخا تزيد الكدام
غني و غني و زيد غني
و بكي حتى تبكي
هادشي لي عاديه مع اليام
حبيبي يا مجذوب
هاد الراس عليه الهموم مجموع
مربوط بالفولار
حازماه قسوة اليام
عايش و مصدق الكذوب
عيق و فيق
علاش انت علاش تليق
حجرة صمة
كلام البكمة
يوصل لسما
انوض جمع غطاك
الا بقيتي ناعس
راه يساليوا مع احلامك
همزة و لا غمزة
مجروحتذوب الشمعة
تسالا النهار تطوات الايام
تجمعات الاحزان
الليل يا الليل

كالوا كالوا
الليل طويل جامع الأحزان
رسم همك بالأوان
راه كلام البكمة
عمروا ما تسمع في ديور الغولا
كالوا

سلهام الليل ما عندوا حدود
زايد تقسم في الفولا
و لي بنفسوا
داروا عليه حدود
دمعة على دمعة
شمعة مهرسة
يا نفس حطمي السدود
يا عيون كحلي بالمداد
راه الحق عمروا ما ياكلوا الدود
حتى و لو متي
تكوني عارفة الحدود
ج ف ب


قيم وشارك المادة :


  
كاتب الموضوع : جوليانا فلانتينا باناصا ـ مدينتي باناصا الأثرية,

الحياة, و بلادي التي أحب , و تسكن في الذات و في الروح , بلادي ,لك كل الحب .   / الفيس بوك :Juliana Valantina Panasa . مدينة باناصا الأثريه , المغرب

مواضيع أخرى قد تعجبك أيضا :